Hengte avanga chhiatna thleng thin laka Aizawl District mipuite an him theih nan Er. Lalhriatpuia, MCS, District Magistrate, Aizawl District chuan sorkarin thuneihna a pek angin leilaih leh kopang laih chungchangah vawiin khan thupek a chhuah.

AMC area in-a a huam loh Aizawl District chhunga National Highway, State Highway, khawkar kawng leh khawchhung kawng (Internal Road) hrulah mi tumahin lei laih, a bik takin kopang lam laih, phal a ni lo. Hemi bakah hian kawng thlang lam laih pawh 4 m3 aia leivung a tam dawn chuan khap tel a ni bawk.

He khapna dan hian National Project leh State Project kal lai, Sorkar atanga phalna nei te a huam lovang.

Kawngpui 100 m huamchhunga lung hal (Blasting) hian kawngpui bula lei a ti nghet lova, hei hian leimin leh chhiatna nasa zawk a thlen theih avangin permit nei lo tan lung hal khap tlat a ni. 

He thupek zawm lote chu Section 223 of BNS hmangin hrem an ni ang. He thupek hian chhuah a nih atanga thlahnih (2 months) chhung a huam ang, tiin vawiinah sorkar thuchhuah chuan a tarlang.